TUAIRISC AR CHRUINNIÚ BHORD BAINISTÍOCHTA CHOLÁISTE OIRIALL
– 12 DEIREADH FÓMHAIR, 2023
Tuarascáil an Phríomhoide Beidh Lá Oscailte ann ar an Satharn, 21ú Deireadh Fómhair agus beidh an Oíche Oscailte ann ar an Mháirt, 24ú Deireadh Fómhair. Tá cuid mhór cluichí cispheile do bhuachaillí agus do chailíní faoi 16 agus faoi 19 ar siúl faoi láthair agus cuid mhór peile agus sacair ag gach aoisghrúpa fosta. Bhí turas lae ag gach bliainghrúpa seachas an cúigiú bliain. Chuaigh an 6ú bliain go Let’s Go Hydro in Carryduff taobh amuigh de Bhéal Feirste – seo an chéad uair a d’úsáid muid an t-ionad seo. D’eagraigh muid gníomhaíochtaí idir na comrádaithe Idirbhliana agus lucht na chéad bhliana – cluichí boird agus Tráth na gCeist. Tá Cruinniú Eolais do thuismitheoirí lucht na hArdteiste ann maidir le roghanna agus riachtanais institiúidí tríú leibhéal. Déanfaidh daltaí na 5ú bliana trialacha inniúlachta (CATS) roimh bhriseadh na Samhna. Chuir muid triúr dalta chuig an chéad bhabhta de na trialacha Uile-Réalta na mBan. Beidh turas na hIdirbhliana ag gabháil chun na Spáinne Déardaoin seo chugainn Bhí Staidéar Éiceolaíochta go Páirc Rossmore ar siúl do dhaltaí Bitheolaíochta na 6ú bliana agus beidh Fiosrúchán Tíreolaíochta na 6ú bliana ar siúl go luath. Tá muid ag aththosú an Club Lego agus ag bunú Club Robátaice. Bhí Aoibheann Nig Fhionntaigh ar cheann den bheirt bhuaiteoir sa chomórtas Staire ‘Deich mBliana na gCuimhneachán’ á reáchtáil ag an Roinn Oideachais, History Ireland agus Scoil Staire Choláiste na hOllscoile, Corcaigh.
Athbhreithniú an Bhoird ar an pholasaí Frithbhulaíochta Rinne an Bord t-athbhreithniú bliantúil ar pholasaí na scoile maidir le frithbhulaíocht agus rinneadh é de réir an liosta seiceála a leagtar amach in Aguisín 4, Gnásanna Frithbhulaíochta Bunscoile agus Iar-bhunscoile (2013) na Roinne Oideachais.
Sláinte agus Sábháilteacht Bhí an chéad druil tine den scoilbhliain againn ag deireadh mhí Mheán Fómhair. Tá muid ag tabhairt faoin mheasúnú riosca i ngach seomra ranga faoi láthair. Thug ceathrar faoi chúrsa dhá lá athnuachana Garchabhrach.
Tuarascáil Bhliantúil Meánbhainistíochta Tá gach sealbhóir poist freagrach do Bhord Bainistíocht Choláiste Oiriall as a róil agus a bhfreagrachtaí a chomhlíonadh agus as an gcaoi a gcuireann a gcuid oibre le feabhsú oideolaíoch agus eagraíochtúil na scoile. Chuaigh an Príomhoide fríd an liosta faofa reatha de riachtanais agus de thosaíochtaí aitheanta ceannaireachta agus bainistíochta na scoile, d’ainmnigh sé na sealbhóirí poist, chuir sé síos ar á gcuid ról agus thug sé cuntas achomair ar a gcuid freagrachtaí.Thug Coláiste Oiriall faoi phroiséas athbhreithnithe ar na postanna chun cloí le ciorclán 03/2018 maidir le ceannaireacht agus le bainistíocht in iarbhunscoileanna agus maidir le postanna freagrachta.
Nótáil Polasaithe: Rinneadh nótáil ar na polasaithe seo a leanas – tá cuid acu nua agus tá cuid acu leasaithe (tá lámhleabhar leasaithe foirne CMETB san áireamh fosta): Keyholder Policy, Lone Workers Policy, Recruitment and Selection Policy and Procedures, Grievance Procedure, Grievance Procedure MOU 2023.pdf, Peer to Peer Employee Relations Procedure, Hospitality, Entertainment and Gifts Policy, Staff Handbook 2023
Teagasc agus Foghlaim D’fhreastail triúr múinteoir ar an chéad lá oiliúna den Léarscáiliú Soláthair (Provision Mapping). Tá ar a laghad múinteoir amháin ag tabhairt faoin chúrsa meánbhainistíochta i bhForbairt Ceannaireachta do Phríomhoidí Cúnta. D’fhreastail beirt den fhoireann ar oiliúnt maidir le tionscnamh Dreamspace Minecraft. Bhí Lá Oiliúna JCT againn an tseachtain seo chuaigh thart agus rinne gach múinteoir agus gach roinn tascanna réamhcheardlainne. Mar chuid den lá thoiligh Roisin Uí Choinn a bheith i gceannas ar thréimhse an tráthóna. D’fhreastail ceathrar múinteoir ar oiliúnt OSPS – beirt acu ag plé leis an sonraíocht nó an cúrsa nua atá i bhfeidhm i mbliana sa chéad bhliain agus an bheirt eile ag plé le hoiliúnt a bhí ag plé le toiliú agus le pornagrafaíocht.